Descripción da rutas

Estrelas de navegantes costeiros

Vive esta experiencia navegando nun dos barcos de vela máis grandes e confortables que navegan por estas augas. E se queres, aprende de forma activa participando en cada manobra de cambio das velas, levando o temón, amarrando en porto…

Nesta ruta combinan algúns lugares de grande interese turístico e apartados das rutas tradicionais como Fisterra ou Corrubedo, xunto con outros espazos protexidos e moi pouco coñecidos como Ézaro (co río Xallas caendo directamente ao mar), Corcubión (a ría menos coñecida e máis pequena da fachada Atlántica) ou a praia de Carnota (famosa por ser a máis longa de toda Galicia), con máis de 7 km de lonxitude

Navegaremos a maior parte do tempo por mar aberto onde a forza do vento e o mar, en ocasións, serán os protagonistas.

  • PORTO DE EMBARQUE: MUROS
  • SAÍDAS PARA GRUPOS: A elixir data
  • PREZO: 1980€ barco/4 días (máximo 8 pers.)

PROGRAMA

Hora de embarque: 10:00 horas

Hora de saída: 10:30 horas

Pola mañá navegaremos rumbo 180º cara ao arquipélago de Sálvora, e despois de avistar os faros de Ons e San Vicente, pararemos para comer a bordo fondeados ou na mesma illa. Pola tarde visitaremos o faro da illa para despois continuar navegando ata Corrubedo, e facer noite a bordo no mesmo porto.

Pola mañá visitaremos o faro de Corrubedo. Cara ao mediodía levantaremos áncoras rumbo ao mítico faro de Fisterra, a onde chegaremos cara ao atardecer e despois de navegar 25 millas durante unhas cinco horas. Faremos noite a bordo no mesmo porto.

Pola mañá, visita obrigada á vila e ao faro de Fisterra, ou mañá libre. Xa pola tarde, despois de deixar polo través o faro de Cee, poremos rumbo cara á pequena e abrigada ría de Corcubión para facer noite e repoñer forzas.

Pola mañá poremos rumbo a Ézaro para contemplar a fervenza do río caendo sobre o mar, coa pequena vila e praia de fondo. Despois de comer levantaremos áncora para dirixirnos cara a Muros. De camiño, visita obrigada é a praia “das Lagoas” espazo protexido, e o faro na entrada á baía de San Francisco, para rematar na medieval vila de Muros.

O prezo inclúe: Patrón-guía, combustible, amarres, fondeos, con desembarcos, auga potable, IVE, e todos os servizos de a bordo de baños, cociña e camarotes.

(Non inclúe comidas).

Pódense levar os víveres para o día a bordo, ou comer en calquera dos bares de cada porto.Para ir a Sálvora, imprescindible levar os víveres.

Vestimenta: Recoméndase levar roupa cómoda e deportiva así como garantías de abrigo e chaqueta de auga. O calzado debe ser de sola clara, (a sola escura deixa pegadas). Non se permiten tacóns.